Буряад Уласай Арадай Хуралай Түрүүлэгшэ Владимир Павлов «Буряад Уласай урда үмэнэ габьяагай түлөө» гэhэн медаль Буряад Уласай габьяата эмшэн Евгений Шигаевта барюулба. Буряад Уласай Толгойлогшо Алексей Цыденовай захиралаар энэ шагнал олгуулагдаhан байна.
Евгений Станиславович Шигаев – дээдэ шатын эмшэн, хирург-ортопед мэргэжэлтэй юм. «ОртоКлиника» гэhэн эмнэлгын түбэй ахамад эмшэн. 60 гаран эрдэмэй хэблэлнүүдые, 2 монографи гаргаhан байна. 2024 ондо «Сила движения» гэhэн шагналай лауреат болоhон байна.
Буряад Уласай Арадай Хуралай зүгhөө Владимир Павлов Евгений Шигаевые амаршалаад, Буряад Уласай элүүрые хамгаалгын hалбарида оруулhан габьяаень онсо тэмдэглэhэн байна.
