Хуралай 4 хороондо суглаа зүблөөнүүд зарлагдажа, эдэ асуудалнууд уридшалан зүбшэгдэнэ гээд уласай хуули абалгын зургаанай хэблэлэй албан дуулгаба. Гадна, арадай һунгамалнууд нүүдэл зүблөөнүүдые үнгэргэхэео аймагуудаар ябана. Хуралай түрүүлэгшэ Владимир Павлов эдэ үдэрнүүдтэ багшанарай хуралдаануудта хабаадалсана. Энэ удаа хорюултай байдалһаа боложо, августын суглаанууд видеоконференциин аргаар эмхидхэгдээ гээд тэмдэглэлтэй. Арадай Хуралай ээлжээтэ сесси дээрэ Федерациин Соведтэ сенатор Александр Варфоломеев хэжэ байгаа ажалаараа элидхэхэ. Сессин гол асуудалнуудай тоодо уласай бюджет тухай хуулида хубилалта нэмэлтэнүүд оруулагдаха байна. Нютагай байгууламжануудай өөһэдын хүтэлбэринүүдтэ хүн зониие болон ан амитадые элдэб үбшэнгүүдһээ аршалха үүргэ дамжуулха тухай асуудал харагдаха. Тиихэдэ уласай толгойлогшые, мүн Хуралай депутадуудые һунгаха хуулинуудта заһалтанууд оруулагдахаар хараалагданхай гээд мэдээсэгдэбэ.
Народный Хурал
338
Арадай Хуралда ээлжээтэ сессидээ бэлэдхэл захалаа
Сентябрьта болохо тус сессидэ 25 асуудал харагдаха түсэбтэй
