Сентябриин 30-да Номой баярай үедэ тэрээндэ баяр хургөө һэмби, гэрэл зурагта суг булгуулаабди.
ҮХИБҮҮД УГ УДАМАА УУДАЛНА
«Минии уг гарбал” гэжэ нэрэтэй үнгэтэ гоёор шэмэглээтэй ном “Новапринт” гэһэн хэблэлдэ нюураа харуулан мүндэлбэ. Хоёр жэлэй туршада, 2015-2016 онуудта “Мүнгэн тобшо” сайтын байгуулһан Интернет-урилдаанда хабаадаһан үхибүүдэй зохёохы ажалнууд энэ ном соо согсологдоһон байна. Буряад Уласай Үндэһэтэнэй 1-дэхи лицей-һургуулиин мүнөө 11-дэхи класста һуража байһан хүбүүд басагадай уг гарбалай һарбаалжануудые номой эхиндэ харанабди.
Уг удамаа уудалан үхибүүд сүлжээ холбооной ашаар дэлхэйн алишье нютаг оронһоо энэ урилдаанада хабаадаа юм. Монгол һайхан оронһоо Чинзоригой Золжаргал, Ганбатын Маралмаа, Великобританиһаа аха дүү Булат, Арюна Куланинууд, Хориһоо эгэшэ дүү Аяна, Дари Буянтуеванууд, Ангрскһаа Анастасия Жамбалова, Москваһаа Лиза Кожанова, Агаһаа Люда Намдакова, Гааргаһаа Бата Бадмаев болон бусад хүбүүд, басагад өөһэдынгөө үбгэ абанар, нагаса эжынэр тухай ямар һонин үгүүлэлнүүдые бэшээ гээшэб.
Залуу үетэн энэ ном уншаад, жэшээ абажа, өөһэдынгөө уг гарбал һонирхожо эхилхэ байха гэһэн зорилго урдаа табяа һэнби. Залуушуул буряад арадайнгаа түүхэ, түрэл хэлээ һонирходог, шудалдаг болохо байха гэһэн найдал минии досоо түрэнэ.
Энэ ном хэблэлгэдэ Буряад Уласай Соёлой яаман 100000 түхэриг мүнгэ һомолжо туһалаа юм. Үнгэтэ болгохын тула мүнгэнэй хэрэгтэй болоходо, Фейсбугэй нюур дээрэ таниһан, таняашьегүй хүнүүд Яхадһаа, Санкт-Петербургһээ, Монголһоо, Улаан-Үдэһөө “Минии уг гарбал” ном хэблэлгэдэ мүнгэн нэмэри эльгээжэ туһалаа юм. Бултанда доро дохин баярые хүргэнэб.
“Новапринт” хэблэлэй ажалшад Октябрина Дамдинжапова, Табиту Мэрдыгеев болон бусад үгын һайгаар, ажалай дээжээр хамһалсаа, зүбшэл, заабари, заһабари оруулжа тон ехээр туһалаа юм.
Буряад Уласай соелой яаманай сайд Тимур Гомбожапович Цыбиков "Минии уг гарбал ном хэблэлгэдэ мүнгэ һомололгодо гараа табижа тон ехэ туһалаа юм. Сентябриин 30-да Номой баярай үедэ тэрээндэ баяр хургөө һэмби, гэрэл зурагта суг булгуулаабди.
мэр
1586
ҮХИБҮҮД УГ УДАМАА УУДАЛНА
Буряад Уласай соелой яаманай сайд Тимур Гомбожапович Цыбиков "Минии уг гарбал ном хэблэлгэдэ мүнгэ һомололгодо гараа табижа тон ехэ туһалаа юм
