Арадай Хуралай газарай асуудалнуудай, аграрна бодолгын болон эд хэрэглэлгын дэлгүүрэй талаар хорооной зүблөөн дээрэ “Гүрэнэ й болон нютагай зөөриин мэдэлэй газарнуудые үмсэдэ миинтээр үгэхэ” тухай Буряад Уласай хуулида нэмэлтэ хубилалтануудые оруулха түсэл һаядаа үнгэрхөө байһан сессиин хараада табиха тухай шиидхэгдэбэ. Эндэ өөрын дураар газар эзэмдэжэ, гэр баригшад тухай хэлсэгдэнэ. Хэгдэһэн анхан хубилалтануудай ашаар 2 мянгаад зон газараа үмсын болгожо дансалжа шадаа. Улаан-Үдын зарим аймагуудай хүдөө ажахыда хэрэглэгдэхэ газарнуудые эзэмдээд, гэрнүүд баригдашаһан байна. Тэдэ газарнуудые олзын хэрэг эрхилдэггүй садоводческа нүхэсэлнүүд гэжэ тодоруулагдаад, үмсын ажахынуудые гү, али гэрнүүдые бариха эрхэ олгуулагдаха. Эндэ үертэшье абтадаг газарнууд оролсоно. Ганса гэр байранууд баригдаһан байха шухала. Тиигэжэ өөрынгөө дураараа газар эзэмдэгшэдтэй тэмсэл хэгдэнэ. Хуулиин нэмэлтын һайгаар олон зон гэр байрануудые хуулиин талаар гэршэлжэ, бүридхэлдэ оруулха аргатай бшуу.
Общество
779
