Улаан-Үдэ хотын Соведүүдэй талмай дээрэ шэнэ автобусуудай түлхюур барюулгын баяр ёһолол үнгэрбэ. Энэ хэмжээ ябуулгада Буряад Уласай Толгойлогшо Алексей Цыденов, Буряад Уласай Арадай Хуралай Түрүүлэгшэ Владимир Павлов гэгшэд хабаадаһан байна.
«Болбосоролой һалбарида удха шанартай үйлэ хэрэг боложо байна. Һургуулиинуудта 53 автобусуудай түлхюурнуудые барюулбабди», - гээд Владимир Павлов хэлээ.
Уласай нютагай засагай байгууламжын һургуулинууд шэнэ автобустой болобо. Шэнэ автобусууд гол түлэб аюулгүйгөөр үхибүүдые зөөхэ ёһотой гээд Владимир Павлов тэмдэглээ.
«Буряад Уласай Арадай Хуралай, засагай Газарай, мүн нютагай өөһэдын хүтэлбэриин эмхиин урда ехэ зорилгонууд табигдахадаа, хүүгэдые аюулгүй, һайн байдалда зөөхэ тухай ехэ ажал хэгдэдэг юм», - гээд Владимир Павлов хэлэһэн байна.
