Буряад Уласай Арадай Хуралай Түрүүлэгшэ Владимир Павлов Улаан-Үдэ хотын 6-дахи тамирай hургуулиин эдир футболистнуудые ба hоригшодые амаршалба. Ахамад тренер Александра Рыбаковагай ба hоригшо Елена Власовагай ударидалга доро басагад футбол наадажа, можо нютагуудай хоорондохи мүрысөөндэ түрүүшын hуури эзэлээ. Удаань сентябриин хоёрhоо юhэн болотор уласхоорондын турнирта амжалтатайгаар хабаадажа, алтан медаль шүүгээ.
Командын бүридэлдэ Кристина Алтынникова, Анна Антропова, Раджана Арьяжапова, Наяна Балсанова, Ксения Верхушина, Елизавета Власова, Валерия Даботкина, Елизавета Ищенко, Варвара Коркишко, Дарья Непогодьева, Ксения Смогорева, Дарья Федорова, Дарья Филиппова, Ярослава Фетисова, Арина Пепеляева, Валерия Хамтаева, Евгения Алексеева ба Кира Тюнина гэгшэд ороно.
Тиин тамирай 6-дахи hургуули футболой талаар эрхим дүнгүүдые харуулаа. Тэндэ 600 гаран эдир футболистнууд hуража, бэрхэ тамиршад байhанаа гэршэлээ.
