Буряадай дуу хатарай «Байгал» театр Урда Солонгос гүрэндэ үнгэрhэн «Cheonan World Dance Festival» хатарай фестивальда эгээл эрхимүүд боложо тодорбо. Хатаршадай дунда алтан медальда хүртэжэ, 29 гүрэнэй дунда илагшад болоо. Октябриин 1-hээ 5 болотор Чхонан хотодо тус хэмжээ ябуулга үнгэрhэн байна.
Буряад Уласай Арадай Хуралай Түрүүлэгшэ Владимир Павлов амаршалга соогоо артистнуудай бэлиг талаан үндэрөөр сэгнэжэ, бүри орьёл өөдэ гаража, шэнэ амжалтануудые туйлахыень хүсэбэ.
