Оросой Холбооной Засаг Газарай Түрүүлэгшын орлогшо - Оросой Холбооной Юрэнхылэгшын бүрин эрхэтэ түлөөлэгшэ Юрий Трутнев Улаан-Үдэ хотын мастер-түсэбэй хэр ябуулагдажа байhаниие шалгаба. Үндэhэтэнэй музейн барилга 60 процент, «Байгал» соёлой түб-40 процентээр бэлэн болоод байна гээд уулзалгын үедэ хэлэгдээ. «Улаан-Хото» гэhэн гэр байрын комплексын барилга мүн лэ ябуулагдана.
«Алас Дурнын зүгтэ 25 хотонуудта мастер-планууд ябуулагдана. Оросой Холбооной Юрэнхылэгшэ Владимир Владимирович Путинай зарлигаар энэ барилга хэгдэнэ гээшэ. Хүн зоной ажабайдал hайжаруулха зорилго hаяын сагта табигдана. Улаан-Үдэдэ, мүн Северобайкальск хотодо мастер түсэбүүд ябуулагдана»,- гээд Юрий Трутнев тэмдэглээ.
Улаан-Үдэ хотын хүгжэлтын барилга 325 млрд түхэригтэ ябуулагдаха юм.
«Мүнөөдэр Юрий Петровичтай суг мастер-түсэбэй хэр бэелүүлэгдэжэ байhаниие шалгаабди. Музей сагhаа урид баригдажа тушаагдаха зэргэтэй. Хүн зоной байха «Улаан Хото» кварталда 619 квартиратай гэрнүүд баригдана»,-гээд Буряад Уласай Толгойлогшо Алексей Цыденов тэмдэглээ.
