Буряад хэлэнэй хүгжэлтын асуудалда Арадай Хуралай hунгамалнууд ехэ анхарал хандуулдаг юм. Энэ удаа үнгэргэгдэhэн зүблөөн дээрэ буряад хэлэнэй хүгжэлтын бэрхэшээлнүүдтэ онсо анхарал табигдаа. Арадай Хуралай hунгамалнууд, Засаг газарай гэшүүд, болбосоролой эмхиин хүтэлбэрилэгшэд, эрдэмтэд, багшанар, олониитын ажал ябуулагшад болон бусад зүблөөндэ хабаадаа. Буряад Уласай Арадай Хуралай hунгамал Баир Цыреновэй тэмдэглэhээр, мүнөө үедэ интернедэй хүсөөр буряад хэлэ үзэжэ болохо. Олон үхибүүд гэртээ, гэр бүлэдөө буряад хэлэн дээрээ хөөрэлдэхэ ёhотой.
Буряад хэлэеэ хүгжөөхэ гэбэл, хүүгэдэй сэсэрлигэй, hургуулинуудай тоо олон болгохо хэрэгтэй гээд hанамжанууд хэлэгдээ.
«Мүнөө үедэ уласай бюджедhээ 100 сая түхэриг буряад хэлэнэй хүгжэлтэдэ hомологдоно. Бүхы тээ буряад хэлээрээ хөөрэлдэхэ ёhотойбди. Хаа-хаанагүй түрэл хэлэмнай соностожо байха ёhотой» гээд Буряад Уласай Арадай Хуралай Можонууд хоорондын харилсаанай, үндэһэ яһатанай асуудалнуудай, залуушуулай бодолгын, олониитын ба шажанай нэгэдэлнүүдэй талаар хорооной түрүүлэгшэ Виталий Лыгденов тэмдэглэhэн байна.
