Бэшүүрэй аймагай Шэбэртэ hууринда оршодог буддын шажанай «Даши Лхундублин» дасанай дэргэдэ «Хэрэг Толгой» гэhэн үүдэн сүмэ нээлгын еhолол болобо.
Буряад Уласай Арадай Хуралай Түрүүлэгшэ Владимир Павлов болоод парламентын hунгамалнууд Виталий Лыгденов болон Валерий Доржиев “мянган” арга олгодог удха буянтай тус үүдэ рамнайлгада хабаадалсабад.
- Холо ойрын hүзэгшэдтэ, илангаяа нютагаархидта ехэ дэмбэрэлтэй үйлэ болобо. Этигэл найдалаа бүхэлхын аша туhада эрхилэгдэhэн барилгада хубитаяа оруулhан бүхы зондоо гүнзэгы талархалаа хүргэнэб, - гээд Арадай Хуралай Түрүүлэгшэ Владимир Павлов хэлээ.
