Бэшүүрэй аймагай Охин-Булагай hургуулида «Баатарай парта» гэhэн бүхэроссиин болбосоролой проектэдэ хабаадана. Энэ хэмжээ ябуулгада Буряад Уласай Арадай Хуралай Түрүүлэгшэ Владимир Павлов ерэжэ, баатарай үхэлөөр унаhан хүбүүдэй гэртэхиндэ баярай бэшэгүүдые барюулаа.
Сэрэгэй тусхай операцида наhа бараhан нютагай 8 хүбүүдэй дурасхаал мүнхэлэгдэбэ. Охин-Булагай дунда hургуулиин hурагшад, багшанар баатар хүбүүдөө дурсан, гэртэхиндэнь уйдхар гашуудалаа мэдүүлээ.
«Баатарай парта» гэhэн ябуулгын гол зорилго гэхэдэ, баатарай үхэлөөр унаhан сэрэгшэдэй дурасхаал мүнхэлхэ, тэдэнэй эрэлхэг зориг тухай эдир хүүгэд, нютагай зон hанажа, дурсажа ябаха гэhэн удхатай.
