«Земский доктор», «Земский фельдшер» гэhэн программанууд амжалтатайгаар Буряад Уласта хүдэлнэ. 2012 онhоо эхилээд, 1585 эмшэд хүдөө нютаг руу хүдэлхэеэ ошоод байна. Россиин Юрэнхылэгшэ Владимир Путинай захиралаар энэ программа эхилэнхэй. Октябрь-ноябрь hарануудта 34 шэнэ мэргэжэлтэд аймагууд руу хүдэлхэеэ ошоо. Тэдэнэй 26-ниинь врачнууд, 8-ниинь фельдшернууд болоно. Гэр бүлөөрөө нүхэртэеэ суг хүдэлхэеэ олон зон ошоно. Врачнууд 2 млн түхэриг, фельдшернууд-1 млн түхэриг абана. Мүн тиихэдэ уласай бюджедhөө мүнгэн үгтэдэг юм. Тиин врачнууд 3 млн хүрэтэр абаха аргатай.
«Нёдондо жэлэй дүнгүүдээр гүрэнэй эмнэлгын эмхинүүдтэ 3265-hаа 3429 хүрэтэр эмшэдэй тоо ургаа. «Земский доктор», «Земский фельдшер» гэhэн программанууд амжалтатайгаар Буряад Уласта хүдэлнэ»,-гээд Буряад Уласай элүүрые хамгаалгын сайд Евгения Лудупова хэлэнэ.
Буряадай хүн зондо шанар hайтай эмнэлгын туhаламжа хүргэгдэхэ ажал hайнаар ябуулагдаhаар.
