Буряад Уласай Арадай Хуралай Түрүүлэгшэ Владимир Павлов Буряад Уласай Толгойлогшо Алексей Цыденовэй сесси дээрэ бариhан тоосоогоор hанамжаараа хубаалдаба.
Засагай газарай хэhэн ажалаар Буряадай Толгойлогшо Алексей Цыденов hунгамалнуудай урда тоосодог заншалтай. Хоер сагай хугасаа соо Алексей Цыденов дэлгэрэнгы элидхэл хээ.
«Ехэ шанартай, тодо тоо баримтануудтай тоосоон шагнагдаа. Тэрэ тоодо Арадай Хуралай табиhан асуудалнуудаар харюусагдаа. Илангаяа гүрэнэй үндэhэтэнэй проектнуудые бэелүүлгэдэ ехэ анхарал хандуулагдаа», -гээд Владимир Павлов хэлэбэ.
Буряадай Толгойлогшо демографиин байдал hайн тээшэнь хубилгаха тухай уряалба. Тиихэдэ сэрэгэй тусхай операцида хабаатай зондо, тэдэнэй гэр бүлын гэшүүдые дэмжэхэ тухай Алексей Цыденов мэдээсэхэдээ, 9 млрд 700 млн түхэригэй туhаламжа үзүүлэгдөөд байна гээд тэмдэглээ.
