Июниин 6-да Улаан-Үдэ хотодо агитационно поезд хүрэжэ ерэбэ. Эсэгэ Ороноо хамгаалгын Агууехэ дайн тухай экспозицинууд тэндэ харуулагдана.
Сэрэгэй техникэ тухай үзэсхэлэн олоной hонирхол татана. 8 вагон соо тус тустаа элдэб сэдэбээр бэлдэгдэhэн үзэсхэлэндэ дайнай үе тухай, баатар сэрэгшэд тухай харуулна. Мүнөө үе сагай сэрэгэй техникэ олон зоной hонирхол татана.
Поездын тайзан дээрэhээ соёлой программатайгаар уран hайханай коллективууд сэрэгэй сэдэбээр концерт харуулха түсэбтэй.
Акциин үедэ Россиин Оборонын яаманай медальнуудаар шагналгын ёhолол үнгэргэхэ түсэбтэй. Сэрэгэй тусхай операцида хабаадажа байhан сэрэгшэд эндэ уригданхай. Россиин баатар сэрэгшэ Бакин Сергей Владимировичай түрэл гаралнууд энэ хэмжээ ябуулгада уригданхай. Буряад Уласай Загарайн аймагай эдиршүүлэй отрядта баатар сэрэгшын нэрэ олгохо байна.
Поезд 75 хотонуудаар ябаха, тиихэдэ 61 можо хизаарнуудта хүрэхэ юм. Агууехэ Илалтын 80 жэлэй ойн баярта, мүн Эсэгэ Ороноо хамгаалгын жэлдэ энэ хэмжээ ябуулга зорюулагдана.
