Июниин 12-hоо эхилээд, «Эдир баатарнуудай үе саг» гэhэн нютаг можо хоорондын хаhа эхилбэ. «ВОИН» гэжэ нэрэтэй түбэй инструкторнууд сэрэгэй талаар дүй дүршэлөөрөө хубаалдаха, аюулгүйе сахиха талаар hуралсал үнгэргэхэ байна.
«Зунайнгаа амаралтын үедэ олон юумэндэ hураха талаар ажал хэгдэхэ. Эндэ ухаан бодол хүгжөөхэ, команда соо хүдэлжэ шадаха аргануудта hураха байна. Үхибүүн бүхэн тамирай талаар хүгжэхэ зэргэтэй»,-гээд «ВОИН» түбэй захирал Николай Собенников хэлэнэ.
Байгша ондо тон түрүүшынхиеэ снайпингын талаар курс эмхидхэгдэхэ юм. Парашюдаар бэлдэлгэ тухай программа бэелүүлэгдэхэ байна.
Буряад Уласhаа гадна, ондоо можо хизаарнуудта hуралсал болохо юм. Тэндэ 12 874 hурагшад хабаадаха түсэбтэй.
«ВОИН» гэhэн түб Россиин Юрэнхылэгшэ Владимир Путинай зарлигаар байгуулагдаhан тухай hануулая. Иимэ 12 түб гүрэн соо хүдэлдэг байна. Алас Дурнын тойрогто Хабаровскын хизаарта «ВОИН» түб нээгдэнхэй. Дүн хамта 400 гаран инструкторнууд хүбүүд, басагадые сэрэгэй онол аргануудта hургадаг юм.
14 наhатайhаа дээшэ залуушуул сэрэгэй талаар хэшээлнүүдые гаража, ехэ бэлдэлгэтэй болоно. Хоёр жэлэй хугасаа соо 55 мянга гаран курсантнууд элдэб шэглэлээр hуралсал гараhан байна.
