«2024 оной уласай бюджедэй хэр зэргэ гүйсэдхэгдэжэ байhан тухай» уласай хуулиин талаар олоной хабаадалгатай суглаа үнгэргэхэ тухай тогтоол дээрэ Буряад Уласай Арадай Хуралай Түрүүлэгшэ Владимир Павлов гар табиба. 2025 оной июниин 11-дэ Буряад Уласай Арадай Хуралай томо танхим соо энэ хэмжээ ябуулга үнгэрхэ юм.
Буряад Уласай Арадай Хуралай Бюджедэй, татабариин ба мүнгэн һангай талаар хороон энэ суглаа үнгэргэхэ талаар харюусаха байна. Буряадай мүнгэнэй сайд Георгий Мадаев уласай бюджет тухай элидхэл хэхэ. Мүн тиихэдэ Буряадай экономикын яаманhаа түлөөлэгшэ элидхэл хэхээр түсэблэнэ. Тэдэнтэй суг Буряадай Тоололгын Палатын түрүүлэгшэ Евгений Пегасов, Арадай Хуралай Бюджедэй, татабариин ба мүнгэн һангай талаар хорооной түрүүлэгшэ Александр Бардунаев гэгшэд элидхэл хэхэ юм.
Буряад уласай бюджет тухай хуулиин проект Арадай Хуралай сайт дээрэ хэблэгдэнхэй. Мүн «Бурятия», «Буряад Үнэн» сониной хуудаhанууд дээрэ уншажа болоно.
