Биробиджан хотодо үнгэрhэн парламентнуудай эблэлэй зүблөөндэ Буряад Уласай Арадай Хуралай Түрүүлэгшэ Владимир Павлов видеохолбоогоор хабаадаба.
Алас Дурна зүгэй ба Забайкалиин хизаарай 11 хуулиин засаг зургаанай эмхинүүд парламентын эблэлдэ ородог тухай hануулая.
Суглаан дээрэ 15 асуудалнууд зүбшэн хэлсэгдэhэн байна. Гүрэнэй Дүүмын Түрүүлэгшэ Вячеслав Володиндо хэhэн хандалга соо СВО-до хабаадагша үншэн үхибүүдэй наhанай болзор доошолуулха тухай хэлэгдэнэ.
«Федеральна хуулиин ёhоор гэр байрын сертификат абадаг үншэн үхибүүд 23 наhатай байха ёhотой юм. Парламентын эблэлэй гэшүүд Володиндо хандахадаа, сертификат абагшадай наhые доошолуулха тухай тэмдэглээ. Сэрэгшэдэй дунда 18 наhатайhаа хүбүүд бии. Тиин 200 гаран СВО-до хабаадагшад сертификадта хүртэхэ аргатай» гээд Буряад Уласай Арадай Хуралай Түрүүлэгшэ Владимир Павлов онсолбо.
