Владимир Павлов гиирь үргэлгөөр дэлхэйн түрүү һуури эзэлхын түлөө мүрысөөндэ илаһан тамиршадтай уулзаба

Манай тамиршад эндэ 10 медальда хүртэжэ шадаа. Андрей Рассадин дэлхэйн чемпион болохоһоо гадна дэлхэйн рекорд тогтооһон байна. Манай тамиршад энэ мүрысөөндэ эртээнһээ бэлдэжэ эхилһэн юм. Гиирь үргэлгын спортын бүхэроссин федерациин хүтэлбэрилэгшын орлогшо, спортын габьяата мастер Сергей Леоновай хэлэһээр эндэ усалтаха ушарнууд үзэгдэдэг гээшэ. Гэбэшье манай тамиршад ехэ амжалтатай хабаадаа. Энэ мүрысөөн Санкт-петербург хотодо үнгэргэгдөө. Андрей Рассадинһаа гадна Сергей Каргин дэлхэйн чемпион болоо. Василий Недорезов, Сергей Любимский гурбан мүнгэн медальнуудта хүртөө. Андрей Усольцев ветерануудай дунда илажа, алтан медаляар шагнагдаа. Эндэ дэлхэййн 15 гүрэнэй 250 гаран тамиршад хабаадаа. Гиирь үргэлгын спортын өөрын түбтэй боложо, һорилго һайнаар хэһэнэй ашаар иимэ үндэр амжалта туйлагдаа гэжэ Сергей Леонов тэмдэглэнэ. Владимир Павлов манай уласта спорт хүгжөөлгэдэ горитой анхарал хандуулагдажа, яһала үндэр амжалтануудые тамиршад туйлана гэжэ тэмдэглээ. Дэлхэйн мүрысөөндэ илалта туйлаһан ушар энээниие элитээр гэршэлнэ.

Автор: