Арадай Хуралай депутат Евгения Лудуповагай уласай элүүрые хамгаалгын сайдаар томилогдоһон ушарһаа эндэ депутадай сүлөө һуури гараа. Һунгуулиин нэгэ мандадтай 32-дохи тойрогоор һунгалта сеньябриин 13-да үнгэргэгдэхэ байна. Сентябриин 13-да тэрээнһээ гадна элдэб шатын засагай зургаануудта 11 һунгалта үнгэргэгдэхөөр хараалагдана. Жэшээлхэдэ, Загарайн аймагай Онохой тосхоной, Бэрээнэй-Адаг, Булаг һууринуудай, Мухаршэбэрэй аймагай Барай, Хурамхаанай аймагай Уланхаанай захиргаанай толгойлогшонор һунгагдаха. Һунгуулиин 32-дохи тойрогой бүридэлдэ Муяын, Хойто-Байгалай аймагууд ороно. 2018 ондо үнгэргэгдэһэн һунгалтада Евгения Лудупова тус тойрогоор һунгагшадай олонхи дуу абажа, Арадай Хуралай депутадаар һунгагдаһан байгаа.
Общество
302
