Энэ байшанай түрүүшын шулуу табилгын баяр еһололдо Арадай Хуралай түрүүлэгшэ Владимир Павлов хабаадаһан байна. Мүнөө эндэ байшанай һуурида бетон шудхаха хүдэлмэри ябуулагдажа эхилээ. Хүйтэн сагай болотор барилгашад байшанай һуури табижа үрдихөөр хүдэлнэ. Проектын еһоор ФСК-гай байшан хоер дабхартай байха болоно. Тиихэдээ 3 мянган дүрбэлжэн метр талмай эзэлхэюм. Комплекс барилгада федеральна бюджедһээ 108 миллион түхэриг һомологдоно. Проектын еһоор байшанай түрүүшын дабхарта спортын томотанхим байха. Эндээрэ шүүлэй, эхэнэрнүүдэй хубсаһаа һэлгэхэ тусхай таһалганууд түхеэрэгдэхэ, тренернүүдэй ажаллаха таһалганууд, эмшэлэгшэдэй, массажистнуудай кабинедүүд, буфет, бассейн, сауна, гарбероб болон хамһабариин бусад таһалганууд түхеэрэгдэхэ байна. Хоердохи дабхарта 300 гаран дүрбэлжэн метр талмайтай барилдаанай танхим байха. 90 дүрбэлжэн метр талмайтай тренажерна танхим, захиргаанай хүдэлмэрилэгшэдэй кабинедүүд байрлахаюм.
Народный Хурал
638
Бэшүүрэй аймагайтүб һууринда физкультура-спортын комплексын барилга эхилбэ
