Буряад Уласай Арадай Хуралай Түрүүлэгшын орлогшо Баир Гармаев «Буряад ФМ» радиогой байгуулагдаhаар, 10 жэлэй баярай хэмжээ ябуулгада хабаадажа, радиогой мэргэжэлтэдые амаршалба.
- Буряад Уласай Арадай Хуралай зүгhөө таанадаа ойн баяраар амаршалжа, түрэл хэлэеэ агаарай долгеор зэдэлүүлхэ хэрэгтнай угсаата зоноо хэтэдээ далижуулжа байг! Сэдьхэл тэнжээhэн, олоной дура татаhан дуунууд зэдэлэг, хаанашье ябаһан нютагаархиднай түрэл хэлэнэйнгээ сэбэр булагhаа ундалжа, буригүй бодолтой, арюун сэбэр харгытай ябаг, – гээд Баир Гармаев хэлээ.
Буряад ФМ радио 10 жэлэй хугасаада түрэл буряад хэлэнэйнгээ нангин баялигые арад зондоо таhалгаряагүй хүргэдэг заншалтай.
