Буряад Уласай Арадай Хуралай ээлжээтэ сесси мүнөөдэр ажалаа эхилбэ. Арадай hунгамалнууд 23 асуудал зүбшэн хэлсэнэ. Гол шухала асуудалнуудай нэгэн гэхэдэ, улас түрын бюджет тухай болоно. Мүн тиихэдэ ниигэмэй, экономикын, барилгын hалбаринуудта хабаатай асуудалнуудта анхарал хандуулагдаха байна. Нёдондо жэлэй дүнгүүдээр Арадай Хуралай хороонууд тоосоо хэжэ, ажаябуулга тухайгаа хөөрэхэ байна.
Буряад Уласай Арадай Хуралай Түрүүлэгшэ Владимир Павлов сессиин эхиндэ Буряадай шэнэ прокурор Алексей Попов болон Байгалай байгаали хамгаалгын прокуратурын хүтэлбэрилэгшэ Михаил Шишкоедов хоёрые дурадхажа, ажалдань амжалта хүсэhэн байна.
