Арадай Хуралай Буряад Уласай Арадай Хуралай Гүрэнэй байгуулалтын, нютагай өөһэдын хүтэлбэриин, хуули бэхижүүлгын ба гүрэнэй албанай асуудалнуудай талаар хорооной түрүүлэгшэ Петр Мордовской сесси дээрэ арба гаран асуудал дурадхаба. Тэрэ тоодо уласай hунгуулиин комисси шэнээр бүридхэхэ тухай хоёр асуудал харагдажа дэмжэгдээ.
Буряадай дэбисхэртэ үншэн болон гэртэхинэй харууhагүй хүүгэдые гэр байраар хангаха үүргэтэй мэргэжэлтэдтэ, мүн адлирхуу шатын эрхэтэдые хангадаг хүдэлмэрилэгшэдтэ мүнгэ салин нэмэхэ тухай хуулиин проект сесси дээрэ зүбшэгдөө.
Буряад Уласай хүн зониие ниигэмэй талаар хамгаалгын сайдай орлогшо Анастасия Мериновагай тэмдэглэhээр, нэгэ мэргэжэлтэндэ 286 мянга 520 түхэриг жэлдээ түлэгдэдэг hаа, хуулиин абтахада, хэмжээнь 536 мянга 725 түхэриг хүрэтэр дээшэлүүлэгдэхэ гээд тобшолоо. Энэ ажалда хэрэгтэй гаргашануудта хараалагдаhан хангалтын хэмжээн нэмээгдэбэ.
