Буряад Уласай Арадай Хуралай ээлжээтэ 19-дэхи сессиин эхиндэ баярай ёhолол үнгэргэгдөө. Арадай Хуралай Түрүүлэгшэ Владимир Павлов Эдэй засагай бодолгын, байгаали ашаглалгын ба байгаали хамгаалгын хорооной түрүүлэгшын орлогшо Бадмадоржо Жигжитовта «Буряад Уласай тамирай габьяата хүдэлмэрилэгшэ», Арадай Хуралай hунгамал Михаил Гергеновтэ «Буряад Уласай габьяата олзын хэрэг эрхилэгшэ» гэhэн үндэр нэрэ зэргэнүүдые дамжуулаа.
Тиихэдэ депутадууд Геннадий Бадмаевые ба Артем Михайловые улас түрын хуули тогтоолгын ба дээдын хуралтай гүрэнэй журамай хүгжэлтэдэ хубитаяа оруулһанайнь түлөө Арадай Хуралай Хүндэлэлэй грамотануудаар шагнагдаа. Буряад Уласай Тоололгын Палатын түрүүлэгшэ Евгений Пегасовта Арадай Хуралай Түрүүлэгшэ хани барисаагаа батадхан, аша үрэтэйгөөр хүдэлhэнэй түлөө Россин Тоололгын Палатын зүгhөө Хүндэлэлэй грамота барюулhан байна.
