Буряад Уласай Арадай Хуралай hунгамалнууд Буряадай гүрэнэй дээдэ hургуулида hурадаг эмнэлгын таhагай оюутадтай уулзаба. 2023 онhоо эхилжэ, волонтёрнуудай клуб амжалтатай хүдэлнэ. Сэрэгэй тусхай операцида туhа хүргэхэ талаар оюутад ехэ ажал ябуулдаг тухайгаа хөөрэжэ үгөө.
Улаан-Үдэ хотын госпитальдо эмнэлгэ гаража байhан сэрэгшэ хүбүүдтэ ерээдүйн эмшэд туhа хүргэдэг байна.
Буряад Уласай Арадай Хуралай Түрүүлэгшэ Владимир Павлов баярай бэшэгүүдые барюулхадаа, захирал Татьяна Спасовада, кафедрые даагша Эльвира Алексеевада, БГУ-гай ахамад багша Индира Борисова гэгшэдтэ hайниие хүргөө.
«Буряад Уласай Арадай Хуралай hунгамалнууд саг үргэлжэ hайн дурантанай ябуулдаг ажалые тэмдэглэжэ байдаг заншалтайбди. Сэрэгшэдтэ туhа хүргэжэ байхадатнай, баяр баясхаланаа мэдүүлнэб»,-гээд Владимир Павлов хэлээ.
Арадай Хуралай hунгамалнууд оюутадта, багшанарта баяраа мэдүүлжэ, саашадаа энэ ажалаа үргэлжэлүүлжэ байхыень хүсэhэн байна. Д.Банзаровай нэрэмжэтэ Буряадай гүрэнэй университедэй медицинын институдта hурадаг 18 волонтёрнууд Арадай Хуралай баярай бэшэгүүдээр урмашуулагдаhан байна.
