Мүнөөдэр Арадай Хуралай ээлжээтэ сесси үнгэргэгдэхэнь

Эндэ арадай һунгамалнууд 63 асуудал зүбшэжэ, зохихо шиидхэбэринүүдые абаха болоно. Арадай Хуралай хэблэлэй албанай мэдээсэһэнэй еһоор түрүүшын ээлжээндэ депутадууд  кадрнуудай асуудал  шиидхэхэ еһотой. Тэрэ тоодо бюджедэй, налогой болон мүнгэн һангай талаар хорооной түрүүлэгшые һунгаха зэргэтэй.  Тиихэдэ депутадууд социальна хэдэн хуулинуудай проектнүүдые баталха, уласай бюджет тухай хуулида хубилалта оруулха байна.  Арадай Хуралай сессидэ хоер шэнэ депутадууд хабаадаха. Эдэ хэд бэ гэхэдэ, Геннадий Аюшеев, Тимур Нимаев гэгшэд болоно. Наһа бараһан депутат Зоригто Цыбикмитовай орондо  Зэдын аймагай Цагаатайн захиргаанай толгойлогшо байһан, «Единая Россия» партиин гэшүүн Геннадий Аюшеев депутат болоо. Уласай хүдөө ажахын сайдаар томилогдоһон Галсан Дареевай  депутадай мандат КПРФ-эй гэшүүн Тимур Нимаевта дамжуулагдаа юм.

Автор: