Тэбхэр ойгоо тэмдэглэжэ байгаа хүгжэмшэдые уласай толгойлогшо Алексей Цыденов, арадай хуралай түрүүлэгшэ Владимир Павлов болон бусад холо ойрын айлшад амаршалаа. Аяар холын Казахстанай, Яхадай, Хальмагай, Башкортостанай, Татарстанай, Тывагай үндэһэтэнэй оркестрой ахамад дирижернууд, уран һайханай хүтэлбэрилэгшэд айлшаар буугаа. Буряадай оперо болон баледай театрта болоһон ехэ нааданда гүрэнэй 9 дирижер манай оркестрой хүгжэм гүйсэдхэлгые хүтэлөө. Тиигэжэ тэдэнэй асарһан бүтээлнүүдые Буряадаймнай хүгжэмшэд шадамараар гүйсэдхөө. Баян түүхэтэй энэ оркестр манай уласай урдаа хараха омогорхол болоно гээд арадай хуралай түрүүлэгшэ Владимир Павлов тэмдэглээ.Тиихэдэ үндэһэтэнэй оркестройхид элдэб тайзануудта гаража, олоной зүрхэ сэдьхэл хүдэлгэжэ шадаһан. Эндэ үнэхөөрөө шэлэһэн мэргэжэлдээ үнэн сэхэ, талаан бэлигтэй, мэргэжэл ехэтэйшүүл хүдэлнэ гээд оло дахин тэмдэглэгдээ. Мүн лэ шэнэ бүтээлнүүдээрээ, шэнэ түсэлнүүдээрээ харагшадаа баярлуулан ябаха гэжэ найданабди гээд хүдөө талаар ирагуу һайхан хүгжэмүүдээ арад зондоо олон жэлнүүдтэ бэлэглэжэ ябахыень уласай засагай газар болон Арадай Хурал автобус абаха сертификат барюулһан байна.
Общество
190
