Арадай Хуралай можонууд хоорондын холбоонуудай, үндэһэ яһатанай асуудалнуудай, залуушуулай бодолгын, олониитэ болон шажан мүргэлэй нэгэдэлнүүдэй талаар Хорооной дэргэдэ Буряадай тамирай асуудалаар зүблөөн үнгэрхэ. Гол түлэб эндэ уласай тамирай һургуулинууд эрдэм ухаанай яаманай мэдэлһээ болигогдожо, тамирай яаманай мэдэл руу оруулагдаха тухай асуудалнууд зүбшэгдэхэдэ. Тус хорооной түрүүлэгшэ Цыденжаб Батуевай тэмгдэглэһээр, Арадай Хурал тамирай хүгжэлтын асуудалаар ажал түсэблэгдэһэн хэмээр ябуулагдана.
- Мүнөө сагта тамирай хүгжэлтэдэ гол анхарал табижа, Бүхэросиин болон Уласхоорондын мүрысөөнүүдтэ илагша тамиршадые мартахагүй ёһотойбди, - гэжэ Цыденжаб Батуев онсолоо.
Тамирай яаманай мэдэлэй болоходоо, мүнгэн гүрэнэй һанһаа нэбтэрүүлэгдэжэ, мүнөө дээрээ 24,7 сая түхэриг уласай тамирай һургуулинуудай хоорондо тараагданхай.
Тамирай яаманай һан руу ороходоо, һоригшодой салин дээшэлүүлхын ажал ябуулагдаха. Арадай Хуралай һунгамалнууд бүхы һанамжануудые анхаржа, бэелүүлэгдэжэ байһан хуули руу нэмэлтэ хэбэ гээшэ.
