Уран зурааша Намжилма Эрдынеева

Жэнхэни буряад зурагай арга маяг зохёохы ажалдаа шэнгээһэн бэлигтэй уран зураашын ажалнуудые нюдээ хужарлуулан, сэдьхэлээ ханатараа харабаб. Намжилма Цыренжаповна Эрдынеева урайни урда сагай гүн сооһоо буряад зураашадай абажа ябаһан “Буряад зураг” гэһэн арга хэлбэри зураг зуралгадаа хэрэглэжэ, дабташагүй өөрын арга дүрэтэй, өөрын онсо ондоохон маягаар зурагуудаа амилуулжа шадана.
293
Агын тойрогой Могойто һууринда ажаһуудаг уран зурааша Намжилма Эрдынеевагай уран бүтээлнүүдые уран зурагай үзэсхэлэндэ хаража болоно гэжэ дуулаад, зорюута “Орда” гэжэ этногалереяда ошожо танилсабаб. Уриханаар энеэбхилһэн басаган угтан абажа, уран зураашан тухай, тэрэнэй бүтээлнүүд тухай дэлгэрэнгыгээр хөөрэбэ. Намжилма Эрдынеевагай зурагуудай үзэсхэлэн ноябриин 16-да хаагдаба, тиигэбэшье “Орда” этногалерея уран зураашын бүтээлнүүдые худалдаха эрхэ абаһан байна. Жэнхэни буряад зурагай арга маяг зохёохы ажалдаа шэнгээһэн бэлигтэй уран зураашын ажалнуудые нюдээ хужарлуулан, сэдьхэлээ ханатараа харабаб. Намжилма Цыренжаповна Эрдынеева урайни урда сагай гүн сооһоо буряад зураашадай абажа ябаһан “Буряад зураг” гэһэн арга хэлбэри зураг зуралгадаа хэрэглэжэ, дабташагүй өөрын арга дүрэтэй, өөрын онсо ондоохон маягаар зурагуудаа амилуулжа шадана. Уран зураашан бурхадые зурадаг. Энэ хадаа өөрын дүримтэй нарин нягта ажал гээшэ бшуу. Намжилма Эрдынеевада уран зураашын бэлиг шадабариин хажуугаар, арадай аман зохёол, түүхэ домог түгэс мэдэхэ, эрдэм шэнжэлгын ажалнуудые һайн мэдэхэ эрилтэ, мүн баһа харюусалга урдань табигдана. Уран зураашан Будда бурхан багшынгаа үльмыдэ һүзэглэжэ, маани мэгзэмээ уншажа байгаад, шүтэжэ зурагуудаа зурадаг юм. Яагаад зурахаб гэжэ оюун ухаандаа бодомжолоод, юун гээд өөртөө һанаа һэн бэ, тэрэ зангаар бүтээлэйнгээ бүтэхэдэ, уран зураашан сэдьхэлээ ханадаг юм. Иигээд зурабал һайн байгаа, иигээд зурабал зураг ондоохоноор харагдаха һэн гэхэ мэтэ олон бодолнууд уран зураашын һанааень амаруулдаггүй. Намжилма Эрдынеева хэһэн ажалаараа һанеаагаа амардаггүй, дүй дүршэлөө, мэргэжэл шадабарияа улам мүлихэ гэжэ оролдодог юм. Буряад арадай үльгэрэй удхаар һабагшалһан “Үльгэршэн”, “Гэсэр”, “Бабжа Барас баатар” уран зурагууд, “Минии элинсэгүүд”, “Хүхюу хүүгэд” зурагууд нюдэндэ уринаар харагдана.
Хориин 11 эсэгын домог түүхэ, ураанууд, уг гарбалай тугууд, угууд тухай хэлсэдэг үгүүлэлнүүд уран зураашада шэнэ мэдээсэл, зохёохы зоригжол асараа һэн. Буряад-монголшууд шэнги унажа ябаһан адагуусанаа “морин эрдэни” гэжэ магтаһан арад дэлхэй дээрэ бии ха гү? Морёо унаһан нүүдэлшэ хүнэй дүрэ харуулһан удха уран зураашын бүтээлнүүд соонь голлоод байдаг. Намжилма Эрдынеевагай “Табан хушуу мал” гэһэн бүтээлнүүд хүнүүдэй анхарал татана. Малша арадай басаган хадаа гайхамшаг бэрхээр шадажал зуранал даа гэһэн бодол досоомни түрэнэ.
“Алан-гуа” зураг харахадаа, хэдэн зуугаад жэлэй саанахи элинсэг хулинсагаймнай Эхэ иимэл шарайтай, иимэл хубсаһатай, үхэр оруулһан иимэхэ лэ тэргэтэй байһан байгаал даа гэжэ Намжилма Цыренжаповнагай нюдөөр хараад, уран зураашын эди шэдидэ, бэлигүүн нюдэндэ этигэнэбди. Харажал байһайбди гэһэн бодол бидэнэй сэдьхэлдэ түрэнэ. Тэнгэриин үүлэнүүд, тэргын мөөр, номо һаадагаа агсанхай багжагар баатарнууд, Алан-гуа эжын нюур шарай үнэншэмэ гоёор зураглаатай.
Поделитесь с друзьями:

Еще из раздела Досуг

Наверх