Буряад Уласай Арадай Хуралай Можонууд хоорондын харилсаанай, үндэһэ яһатанай асуудалнуудай, залуушуулай бодолгын, олониитын ба шажанай нэгэдэлнүүдэй талаар хорооной түрүүлэгшэ Саха Яхадай Ил Түмэнэй соёлой ба олондо мэдээсэл тараадаг хэрэгсэлнүүдэй хорооной түрүүлэгшын орлогшо Захар Никитинтай уулзалга үнгэргэбэ.
Яхадай парламентын һунгамалые Виталий Лыгденов угтажа абахадаа, Буряад Улас ерэһэн ушараарнь баярые хүргэһэн байна. Уулзалгын үедэ хоер тала суг хамта саашадаа хүдэлхэ тухай түсэбүүдээ зүбшэн хэлсээ.
Саха Яхадай ажабайдал, хүгжэлтэ тухай Захар Никитин хөөрэжэ үгэхэдөө, парламентнууд хоорондын харилсаанай гол асуудалнууд тушаа хөөрэлдөө эмхидхэһэн байна.
Уулзалгын түгэсхэлдэ ерэһэн айлшанда дурасхаалай бэлэгүүд барюулагдаа, удаань Арадай Хуралай байшан соогуур экскурси эмхидхэгдээ.
Ивалгын аймагай Доодо Ивалга нютагай соелой байшан хүрэжэ, тэндэхи ажабайдалтай танилсалга үнгэрһэн байна. Аймагай захиргаанай түлөөлэгшэд 2023 ондо тэндэ үндэһэтэнэй «Соёл» гэһэн түсэлөөр капитальна заһабарилга хэгдэһэн тухай хөөрэжэ үгөө. Хойто-Бэедэ оршодог модульно номой сангай ажал хэрэгтэй мүн лэ танилсалга үнгэрһэн байна.
