Буряадай эрхим багшанарта шан барюулгын ёһолол мүнөөдэр үнгэрбэ. Энэ хэмжээ ябуулгада Буряад Уласай Арадай Хуралай Толгойлогшо Владимир Павлов хабаадаһан байна.
«Жэлэй туршада ажалдаа амжалта туйлаһан эрхим багшанарые амаршалнаб. Багшын ажалда гүрэнэй талаһаа ехэ анхарал хандуулагдана. Бэрхэ,бэлигтэй багшанар манай Буряад орондо тоолошогүй. Эрдэм мэдэсэ заажа, үхибүүдые олон юумэндэ һургадаг багшанарта доро дохинобди», -гээд Владимир Павлов хэлэбэ.
Федеральна мүрысөөндэ илаһан багшанарта 200 мянган түхэригэй, уласай мүрысөөндэ хабаадажа шалгарагшадта 50 мянган түхэригэй мүнгэн шангууд барюулагдаа.
«Энэ мүрысөөнэй аргаар эрхим багшанар элирүүлэгдэнэ. Хэшээлэй үедэ хэрэглэдэг арганууд мүнөө үе сагта тааруугаар зохёогдожо, танай ажалда хэрэгтэй болодог гээшэ. Танайл оролдолгоор болбосоролой һалбари хүгжэнэ гээд тэмдэглэхэ шухала. Ажалдаа шалгаржа, аргагүй бэрхээр хүдэлжэ ябанат, -гээд Буряад Уласай Арадай Хуралай Түрүүлэгшэ хэлэһэн байна.
